fbpx

疫情嚴峻 來勢洶洶-貓奴狗奴在Omicron中如何保護主子?

Max Love Cat 寵物保姆

疫情嚴峻 來勢洶洶-貓奴狗奴在Omicron中如何保護主子?

最近因為政府懷疑有市民家中飼養的寵物倉鼠驗出有陽性反應而將市面上所有倉鼠人道毀滅,不到一個月後又傳出懷疑有貓隻驗出已受到感染,令到全香港嘅貓奴狗奴兔奴鼠奴都人心惶惶。而我地收到最多嘅查詢亦係如:奴才不幸感染,而奴才又要被送到檢隔離中心隔離,寵物保姆可否幫忙上門接走主子或上門幫忙照顧呢?   此問題我地已在FB及IG放置置頂資訊。大家如有興趣可以到我地FB查詢細閱。今次呢篇blog同大家分享一下美國疾病控制及預防中心(CDC)嘅疫情下與寵物嘅一些相關資訊及守則。

現時嘅Covid-19係冠狀病毒家庭裡面嘅其中一種病毒,人類感染後會有傷風嘅症狀,有啲品種會令駱駝/牛/蝙蝠或某種動物受感染,而有啲冠狀病毒只會令動物受感染。現時全球大部份寵物,經過同受Covid-19感染後嘅人類接觸後,亦已受感染呢種冠狀病毒。但現時由寵物傳播Covid-19俾人類嘅風險係極低。

各位奴才要注意以下事項:

  • 不要為動物戴上口罩;因口罩會為動物構成危險
  • 不要用消毒酒精﹑雙氧水﹑酒清搓手液或消毒濕紙巾為寵物清潔,現時並無科學證據證明病毒可通過寵物的毛髮/皮膚傳播出去

如果你已確診,請盡量被免接觸你嘅寵物。包括-抱抱﹑摸摸﹑及錫錫。

寵物受Covid-19冠狀病毒感染後,同人類一樣,未必會有病徵,或徵狀非常輕微。其中包括(發燒﹑咳﹑氣喘﹑攰﹑打乞嗤﹑流眼水﹑嘔﹑及肚瀉)。

如你懷疑寵物受感染,可先用電話向獸醫查詢。如你本人確診,請唔好親自帶寵物到獸醫診所。獸醫會根據情況提出隔離寵物建議,而隔離寵物方法同隔離人嘅方法亦大致相同。最後根據寵物健康情況,匯報獸醫,直到寵物無任何病徵後72小時就可完成隔離。

最後祝願所有奴才及主子身體健康,安然渡過疫情!

Max Love Cat 寵物保姆

舊金山cat lady

No Comments

Give a Reply

× Chat with me